Ѕвездите на Барса доминираат: Реал Мадрид цели 23 минути не го мина центарот!

Барселона и Реал Мадрид одиграа уште едно супер-возбудливо „Ел Класико“ во кое како поумешен се покажа каталонскиот гигант, кој славеше со конечни 4-3 и скоро ја обезбеди титулата во Примера.

Младите ѕвезди на Барса беа во одлично расположение и на моменти имаа тотална доминација на теренот, а тоа се потврдува и со еден неверојатен факт - Реал Мадрид во првото полувреме не мина на противничката половина скоро 23 минути!

Од асистенцијата на Винициус Жуниор за Мбапе до следниот продор на Белингем, минаа вкупно 22:32 минути, што е навистина фасцинантно, но во исто време и неразбирливо за гигант од калибарот на Реал Мадрид.

Барса во меѓувреме успеа да постигне дури четири гола и не само што ја анулираше двојната предност на мадриѓаните, туку замина и со убедлива предност на паузата. Реал во вториот дел имаше неколку одлични шанси за враќање во егал, но на крајот се помири со болен пораз и речиси му го препушти тронот на најголемиот ривал во Шпанија.

Избраниците на Ханси Флик сега имаат високи седум бода предност пред „кралевите“ на три кола до крајот на сезоната