• Саше Љолес
Младиот дебитант во тимот на Реал Мадрид, Виктор Муњоз, мораше да го затвори својот инстаграм профил откако доби лавина навредливи и заканувачки коментари по нереализираната голема шанса во финишот од мечот против Барселона.
Муњоз истрча сам пред голманот Шчесни и биеше силно, но топката заврши крај десниот дирек и на тој начин „кралевите“ ја испуштија најголемата можност да останат непоразени во вечното „Ел Класико“.
21-годишниот Муњоз првпат доби шанса да настапи за сениорскиот тим и не успеа да се прослави во првата голема прилика, а навивачите на Реал не можеа да го задржат својот бес и упатија огромен број понижувачки коментари за него.
Реал Мадрид на крајот загуби со 4-3 и скоро испадна од трката за шампионската титула во Шпанија.
