Пинг-понг

Пинг-понгарската федерација на Македонија направи уште еден крупен чекор во патот кон континуирана поддршка на клубовите кои имаат младински школи. На поголем број клубови кои имаат школи за млади играчи од целата држава пинг-понгарската федерација им донираше помош во вид на професионални пинг-понг маси сертифицирани за натпревари според ИТТФ стандарди. Исто така клубовите добија помош во останат вид на опрема како рекети, топчиња и останати реквизити во тренинг.

Вчера во Прилеп со натпреварот од Првата лига за сениорки помеѓу домашната екипа на Младост 96 и скопските Рисови официјално беше означен стартот на новата сезона 2021/22 во пинг-понгарското првенство. Поуспешни во овој натпревар беа прилепчанки кои со 4-2 го совладаа „рисиците“ од Скопје.

Пред официјалниот почеток на новата натпреварувачка сезона репрезентативците од младинските категории учествуваат на меѓународни тренинг кампови и турнири. На турнирот во Опатија, Хрватска учествуваа јуниорската репрезентативка Ана Стојановска од Крива Паланка и кадетската репрезентативка Софија Хасану од Крушево. 

Македонските репрезентации во пинг-понг после настапот на Европското првенство во Полска и Балканското првенство во Бугарија го продолжуваат континуитетот на учество на меѓународните натпревари. Јуниорската и кадетскатата репрезентација ќе учествуваат на европското првенство во Загреб, Хрватска.

Македонската сениорска репрезентација во пинг-понг, во состав Кристијан Станојковски и Билјана Младенова, предводени од селеторот Сашко Богатинов, достојно ја претставија нашата држава на Европското првенство во поединечна конкуренција во Варшава, Полска.

Во Струмица во организација на ППК Астраион Мега Спин од Струмица се одржа последното државно првенство за оваа сезона. Државни прваци во категоријата сениори до 21 година станаа Дамјан Стојчев од ППК Шампион ФА од Шти и Ана Стојановска од ППК Крива Паланка.

Теодор Волканоски од ППК Крушево и Ана Стојановска од ППК Крива Паланка се новите државни прваци во пинг-понг во конкуренција на јуниори. На Државното првенство кое се одржа во Крива Паланка, со учество на повеќе од 30 натпреварувачи во конкуренција на јуниори, Волканоски и Стојановска супериорно ги освоија титулите. На патот до титулата државните прваци изгубија само по два сета во своите натпревари.