• Александар Ковачев
Шпанска „Марка“, која е блиска до Реал Мадрид, тврди дека доаѓањето на Еден Азар на „Сантијаго Бернабеу“е речиси завршена работа и наскоро треба и официјално да биде потврдено.
По доаѓањето на Родриго и Милитао, Белгиецот ќе биде првото звучно засилување по враќањето на Зинедин Зидан на клупата на „кралевите“. Според, „Марка“, Челзи за трансферот ќе добие обештетување од околу 100 милиони евра, а голема е веројатноста дека дел од целата зделка ќе биде и Хрватот Матео Ковачиќ.
Eden Hazard to Real Madrid will be announced in the coming days. The deal will be for an amount close to €100M. The relationship between Chelsea and Madrid is more than great after Kovacic’s loan. [marca] pic.twitter.com/lqRap1y6vR
— SB (@Realmadridplace) April 18, 2019
28-годишниот Азар веќе подолг период е мета на Реал Мадрид, а неговите последните изјави одат во прилог на Реал Мадрид. Тој неколку пати потенцира дека сака да работи со Зинедин Зидан и дека Реал Мадрид е еден од неговите сонови.
Покрај за Азар, тимот на Реал Мадрид сериозно е заинтересиран во своите редови да ги доведе и Пол Погба и Хари Кејн, со што наредната сезона повторно би бил аспирант за освојување на титули на сите фронтови.
