• Сашо Поповски
Еден Азар важи за еден од најдобрите фудбалери во светот, кој зад себе остава фантастична сезона, како со Челзи, така и во дресот на репрезентацијата на Белгија.
Сепак, тој е реален и смета дека оваа година не ја заслужува „Златната топка“ и дека таа треба да заврши во рацете на Килиан Мбапе.
„Иако имав одлична година, мора да останам спуштен на земја и да кажам дека не ја заслужувам „Златната топка“. Имаше неколку играчи кои беа подобри од мене. Би рекол тоа беше Модриќ, но неговата форма од август до октомври не е на посакуваното ниво. Поради тоа би го избрал Килиан Мбапе“ , изјави Белгиецот.
Како што е познато, оваа година конечно ќе биде прекината доминацијата на Кристијано Роналдо и Лионел Меси, која траеше од 2008 година.
