Тенисерката со најнеобичното презиме Теса Андрианјафитримо доби „специјална покана“ за Ролан Гарос

Девојката која сигурно го има најдолгото презиме во тенискиот свет доби „специјален покана“ на Ролан Гарос, вториот Грен Слем турнир сезонава. 

Теса Андрианјафитримо има 17 години и потекнува од Мадагаскар и за неа настапот во Париз ќе ѝ биде прво учество на голем турнир, а доколку таа успее да направи сериозна кариера сигурно новинарите ќе мораат да го „кршат јазикот“ за да го изговорат нејзиното име. 

Кај девојките освен Андрианјафитримо „специјална покана“ добија и Осеан Додан, Митил Жорже, Амандин Хесе, Ализе Лим, Виржини Разено и Американката Тејлор Таузенд, додека кај мажите оваа покана стигна кај Грегор Барер, Жилијен Бенето, Стефан Робер, Матијас Боргу,  Квентин Алис и Констант Лестијен.