Надал отвори со 6-1, но потоа „потона“ и загуби од Шаповалов во Рим

„Кралот на земјената подлога“, Рафаел Надал, забележа нов неуспех на Мастер турнирите. Откако во Мадрид беше елиминиран од соранодникот Карлос Алкараз, во четвртфиналето во Рим испушти водство од 1-0 во сетови и го загуби дуелот со Денис Шаповалов.

„Бикот од Мајорка“ по рутинската победа над Иснер во два сета, вечерва фуриозно го започна дуелот со канадскиот тенисер и во првиот сет демонстрираше сила и во водство од 1-0 стигна со само еден загубен гем (6-1).

Вториот сет започна со крајно возбудлив прв гем, во кој Надал не искористи три брејк топки и потоа неговата игра драстично падна. Шаповалов одлично го искористи тоа и поведе со 4-1, но искусниот Шпанец собра сили и со три врзани гема израмни на 4-4. Шаповалов одново поведе и во дванаесеттиот гем му зададе нов удар на фаворитот и со нов брејк се избори за израмнување на 1-1.

Одлучувачкиот сет започна со нов шок за рекордерот и почетно водство на шеснаесеттиот тенисер на светот. Надал, откако го загуби првиот сет, со рибрејк се врати во игра и израмни на 1-1, но следуваше нов пад во неговата игра, која донесе победа на помладиот ривал од 6-2.

Во следното коло Шаповалов ќе се сретне со Руд, кој денес беше сигурен во пресметката со Бруксби.