Вардар 1961

Игор Карачиќ и Кристијан Дисингер се „македонски зетови“, нивните понежни половини се од Македонија, ги запознаа додека играа во Вардар и уште еднаш покажаа дека во нив се „црвено-црните“ бои.

Битолската публика не го заборави гестот на капитенот на Вардар, Столе Стоилов. Иако вардарци и Еурофарм Пелистер се големи ривали, пред натпреварот кружниот напаѓач се поздрави со „Чкембарите“ и двете страни имаа момент каков што доликува на спортските терени.

Куни Моралес го одигра еден од најдобрите натпревари во дресот на Вардар и блескаше во Битола, во победата над Еурофарм Пелистер (23-26) која ги фрли „црвено-црните“ на првото место и кон одбрана на титулата.

Ракометарите на Еурофарм Пелистер и Вардар 1961 го играат големото дерби во Суперлигата, по кое може да се одреди шампионот на Македонија. Во израмнето надигрување, на паузата екипите заминаа со егал, а клучни улоги во првиот дел имаа голманите. 

Македонија е спортска нација, пред сè ракометна. Фановите долго време пулсираат со репрезентативците и нивното континуираното учество на големите собири, но по подолго време „живна“ и клупскиот ракомет, односно битката за трофејот во Суперлигата одново се вжешти. Вардар не е повеќе доминантен на терен како порано, а ракометот се разбуди од деценискиот сон во Битола. Тоа гарантираше многу возбудувања и голема борба за шампионската титула.

Се одбројуваат деновите до големото ракометно дерби во Битола кое ќе го даде новиот шампион на Македонија. Еурофарм Пелистер го пречекува актуелниот шампион Вардар 1961 и овој меч ќе биде еден од највозбудливите во последната деценија.

Ракометарите на Еурофарм Пелистер ќе го дочекаат Вардар 1961 во најважниот натпревар оваа сезона во Суперлигата. Битолчани се лидер на табелата, откако во Скопје славеа минимално (23-24), па во салата „Боро Чурлевски“ веројатно ќе се одлучи новиот првак на Македонија. 

Во просториите на Ракометната федерација на Македонија, денес напладне се одржа ждрепката за полуфиналето на Купот. На завршниот турнир во најмасовното натпреварување во Македонија ќе се натпреваруваат Вардар 1961, Еурофарм Пелистер, Бутел Скопје и Еурофарм Пелистер 2. Овие четири екипи своето учество во завршницата на Купот на Македонија го обезбедија како победници во четвртфиналните групи. 

Македонскиот ракометен првак Вардар 1961 не виде мака на гостувањето кај Тиквеш (24-28) и продолжи со победите во рамки на ракометната Суперлига и разигрувањето за титулата. На домашниот тим му припадна само отворањето кога постигна два гола во низа, а се останато беше во знакот на вардарци. За Вардар 1961 ова беше трета победа во плеј-офот. Во следната рунда тимот ќе биде домаќин на Бутел Скопје. Тиквеш останува на една победа по пет кола и следното коло носи меч против лидерот Еурофарм Пелистер.