ПМФЛ

Битолски Пелистер е единствената екипа која и натаму нема победа во новата сезона од Првата македонска фудбалска лига (ПМФЛ).

Екипите на Македонија Ѓорче Петров и Струга Трим Љум одиграа реми (1-1) во рамки на Првата македонска фудбалска лига (ПМФЛ), резултат кој и двата тренери не го посакуваа поради позицијата на нивните тимови во елитата. „Лавовите“ пет кола беа без победа пред овој натпревар, додека стружани немаа успех четири натпревари во серија. По ова реми, трендот на лошите резултати продолжи и двете екипи предводени од тренерите Бајрами и Захариевски само си ја отежнаа работата во борбата за подобар пласман.

Фудбалерите на Скопје успеаја да го „скршат“ Тиквеш и победија со 2-1 (1-0) во дуелот од 11. коло на Првата македонска фудбалска лига (ПМФЛ). Во натпревар со две различни полувремиња и повеќе промени на темпото, херој на домашната екипа беше Ален Јашароски, кој во 92. минута даде гол за победа.

Битолскиот прволигаш Пелистер продолжува со лошите игри и резултати во Првата македонска фудбалска лига и останува единствениот прволигаш без победа и по единаесет одиграни кола. „Зелено-белите“, по победата над Работнички и пласманот во четвртфиналето во Купот на Македонија, денес одново ги разочараа своите фанови и „Под Тумбе Кафе“ со 0-3 (0-1) загубија од Брегалница, со што со само четири реми исходи остануваат на дното на табелата во шампионатот.