• Мартин Танасковски
Екипата на Тетекс се жалеше на судењето на натпреварот против Караорман, па се огласија од Судиската комисија при ФФМ во чија анализа истакнаа дека нема грешки на овој дуел и дека се е регуларно.
Од таборот на „штофарите“ имаа забелешки за погодокот на стружани, но и покрај тоа од ФФМ посочија дека клубовите треба вината за поразите да ја бараат во своите редови, а не во судиите. Од Тетекс објавија видео на кое се гледа ситуацијата и испратија прашање до ФФМ - зарем вашата судиска анализа не е срамна?
„Почитувани членови на судиска комисија, на кој натпревар сте направиле анализа и на која ситуација? Дали воопшто сте ја погледнале спорната ситуација? Да, судиски грешки секогаш имало и ќе има, но дали вашата анализа не е срамна? Очекуваме членовите на судиската комисија да ни објаснат, како е ова гол!“, велат од ФК Тетекс.
- Видеото објавено од ФК Тетекс:
Тетовската фудбалска гордост се бори за опстанок во ВМФЛ, под водство на тренерот Љупчо Марковски - Калц. Целата екипа претрпе промени во текот на зимата, па покажа и далеку подобра игра.
