Срамен гест на Кавани: Од фановите на Јунајтед се прости со среден прст! (ВИДЕО)

Единсон Кавани имаше сезона за заборав во таборот на Манчестер Јунајтед. 35-годишниот напаѓач беше во втор план, најчесто како резервист и доби шанса на само 20 натпревари сезонава откако во клубот се врати Кристијано Роналдо. 

Ситуацијата во која се наоѓа ѕвездата од Уругвај со сигурност не е лесна, а по последниот натпревар во Премиер лигата и поразот од Кристал Палас, камерите уловија интересен момент. Кавани при влегувањето во автобусот доби повици од насобраните фанови, а им одговори со среден прст. 

  • Срамниот потег на Кавани:  

Договорот на Уругваецот истекува во јуни, а тој дефинитивно заминува од таборот на „црвените ѓаволи“. Поради тоа, срамниот потег е истовремено и еден вид на збогување со навивачите на Манчестер Јунајтед. 

За Кавани, се споменува опција да заигра во Шпанија, откако оваа сезона на 20 настапи даде само два гола и впиша една асистенција.