• Горан Упале
Искусниот германски стручњак Ралф Рангник (63) наскоро треба да го преземе кормилото на Манчестер Јунајтед. Германецот веќе постигнал шестмесечен договор со англискиот гигант, а потоа во следните две години ќе ја извршува функцијата спортски директор
Неговото пристигнување на „Олд Трафорд“ наскоро треба да се официјализира, а еден играч на „црвените ѓаволи“ нема да биде премногу среќен што Рангник пристигнува во клубот. Тоа е англискиот репрезентативец Лук Шо, чија игра Рангник ја коментираше минатата година и рече дека левиот бек не е играч на Јунајтед.
„Мислам дека им треба лев бек. Знам дека го имаат Лук Шо, но не сум сигурен дека тој е на нивото на кое треба да бидеш за клуб како Манчестер Јунајтед“, изјави германскиот стручњак во септември минатата година.
"They could do with a left-back, I know they have Luke Shaw but I'm not so sure if he's still on the same kind of level you need for a club like Manchester United."
Ralf Rangnick speaking about Man United's defence in September 2020 pic.twitter.com/40IcBSnm4p
— Football Daily (@footballdaily) November 25, 2021
Шо е член на Манчестер Јунајтед од 2014 година, за „црвените ѓаволи“ одигра 201 натпревар и постигна три гола.
