Ристовски: Добро се сеќаваме на поразот во Ереван, тоа ќе ни биде екстра мотивација

Македонија ќе го започне второто издание од Лигата на нациите, каде во рамките на втората група во Лига Ц, ќе се сретне со Ерменија која е добар познаник. 

На прес-конференцијата пред натпреварот, дефанзивецот на сениорската селекција Стефан Ристовски изјави дека добро се сеќава на последниот меѓусебен дуел со еременската репрезентација.

„Распоредот е густ, но немаме многу причини да бараме алиби. Што е тука е. Нè чека нов циклус во Лигата на нации кој ќе се одигра во посебни услови предизвикани од коронавирусот. Сите се сеќаваме на последниот пораз во Ереван и тоа ни е мотивација да одиграме подобро на овој натпревар на домашен терен. Недостатокот на публика ќе биде проблем, но досега се навикнавме да играме во новите услови“, рече десниот бек.

Прес-конференцијата на Ангеловски и Ристовски пред натпреварот против Ерменија: 

Нашата репрезентација во втората група се најде со Ерменија, Грузија и Естонија, а по саботната средба која започнува во 15:00 часот, ќе патува во Грузија за дуелот од второто коло. 

Следниот репрезентативен прозорец е резервиран за плеј-оф дуелите од минатото издание на Лигата на нациите, каде Македонија ќе игра полуфинале против Косово на 8 ноември.