Пандев ја одложува пензијата, ќе игра уште една сезона во Италија!?

Македонскиот фудбалер Горан Пандев не го одигра последниот натпревар во сезоната за Парма, па италијанските медиуми најавуваат дека тој ќе донесе важна одлука и ќе игра уште една сезона.

Извори блиски до фудбалерот велат дека тој е подготвен да ја пролонгира пензијата. Иако најави дека заминува по крајот на сезоната со Парма, сепак, популарниот „Гранде Пандев“ сакал да одигра уште една сезона и размсилува за тоа.

Пандев пристигна во Парма во зимскиот преоден рок од тимот на Џенова. 38-годишниот струмичанец е во Италија од 2001 година, со мала авантура во Турција во 2014 година кога настапуваше за Галатасарај.

Поранешниот капитен на македонската репрезентација играше за Парма, Џенова, Наполи, Интер, Лацио, Анкона, Специја, а во Македонија беше дел од Беласица од 1999 до 2001 година.