Илиев одново заминува на позајмица во Словачка

Дејан Илиев

Арсенал потврди дека македонскиот голман Дејан Илиев во наредната сезона ќе брани во словачки Серед.

Тоа ќе биде втора етапа за нашиот интернационалец во клубот од Словачка. Таму беше на позајмица во сезоната 2019/20.

Ланската сезона талентираниот чувар на мрежата ја одигра во англискиот второлигаш Шревсбери Таун.

Илиев потекнува од школата на екипата на Беласица. Во Арсенал пристигна пред девет години, каде беше еден од најзаслужните за освојувањето на премиерлигашката титула на У23 тимот на „топџиите“ пред три сезони.

Прочитајте повеќе околу тековните трансфери во Македонија и светот на ОВОЈ линк.